İsrail Livanın cənubunda əməliyyatları davam etdirəcəyini açıqlayıb

İsrail ordusu Livanın cənubunda yaradılmış təhlükəsizlik zonasında Hizbullaha qarşı hərbi əməliyyatları davam etdirmək niyyətində olduğunu bildirib.Bu barədə İsrail Müdafiə Qüvvələrinin mətbuat xidməti məlumat yayıb.

Bildirilib ki, İsrail qüvvələri mövqelərini qoruyur və ölkənin şimal bölgələrində yaşayan sakinlərə yönəlmiş təhdidlərin qarşısının alınması, eləcə də müdafiə tədbirlərinin gücləndirilməsi istiqamətində fəaliyyətini davam etdirir.

Məlumata görə, qoşunlar Livan ərazisində təxminən 10 kilometr dərinliyə qədər uzanan təhlükəsizlik zonasında yerləşdirilib.