Venesuelada zəlzələ nəticəsində ölənlərin sayı 920-yə çatıb – Yenilənib

Venesuelada zəlzələ nəticəsində ölənlərin sayı 920-yə çatıb.Bu barədə Milli Assambleyanın (parlament) sədri Xorxe Rodrigez "EFE"yə məlumat verib.

Onun sözlərinə görə, daha 3300 nəfər yaralanıb.

***

Venesuelada zəlzələlər nəticəsində ölənlərin sayı 589 nəfərə çatıb.Bu barədə ölkənin səlahiyyətli Prezidenti Delsi Rodriqes bildirib.

O, 2980 nəfərin yaralandığını bildirib. Rodriqes qeyd edib ki, ölkədə güclü zəlzələlərdən sonra 214 afterşok qeydə alınıb.

BMT-nin məlumatına görə, zəlzələlər təxminən 6,76 milyon insana təsir göstərib.

09:38

Venesuelada baş vermiş iki zəlzələ nəticəsində ölənlərin sayı 235 nəfərə çatıb, xəsarət alanların sayı isə 4 300 nəfərə qədər artıb.Bu barədə "teleSURtv" Venesuelanın səhiyyə naziri Karlos Alvaradonun bəyanatına istinadən məlumat yayıb.

İlkin məlumatlara görə, 157 nəfər itkin düşüb, 200 nəfər dağıntılar altında qalıb və 2 927-dən çox ailə zərər çəkib.

Bundan başqa, infrastruktura ciddi ziyan dəyib: 250 bina və 8 xəstəxana zədələnib.

Dağıntıların episentri 100-dən çox binanın çökdüyü və xilasetmə işlərinin aparılması üçün 11 500 təhlükəsizlik xidməti əməkdaşının yerləşdiriləcəyi La-Quayradadır.

Salvador və Dominikan Respublikası artıq yardım briqadaları göndərib, Birləşmiş Ştatlar isə xüsusi əməliyyatların həyata keçirilməsinə icazə verərək onları qüvvədə olan sanksiyalardan azad edib və humanitar təşkilatlar vasitəsilə 150 milyon dollar ayırıb.

Paytaxtda əsas hava limanındakı problemlər səbəbindən hava əlaqəsinin pozulması "Iberia" və "Air Europa" aviaşirkətlərinin reyslərinin ləğv edilməsinə gətirib çıxarıb.