Makron Suriyada rəsmi səfərdədir

Fransa Prezidenti Emmanuel Makron Suriyanın paytaxtı Dəməşqdə rəsmi səfərdədir.Bu barədə xarici media xəbər verir.

Makron səfər zamanı Suriyanın keçid hökumətinə dəstəyini ifadə edərək, ölkənin suverenliyi, ərazi bütövlüyü və plüralist inkişafına dəstəyini vurğulayıb. O, həmçinin Yaxın Şərqdə sülh və sabitliyin möhkəmləndirilməsi üçün yeni mərhələnin başlanmasına çağırış edib.

"Fransanın suveren, vahid, plüralist və qonşuları ilə sülh şəraitində yaşayan Suriyanın qurulması yolunda Suriya xalqına dəstəyini bir daha təsdiqləmək üçün buradayam. Gəlin birlikdə regionda sülh və sabitliyin yeni səhifəsini açaq", – Makron bildirib.

Fransa Prezidenti Suriyanın regionda gərginliyin azaldılmasına töhfə verəcəyinə ümid etdiyini də qeyd edib.

Makronu Dəməşq Beynəlxalq Hava Limanında Suriyanın xarici işlər naziri Əsəd əl-Şeybani qarşılayıb. O, daha sonra Suriya Prezidenti Əhməd əl-Şaraa ilə danışıqlar aparmaq üçün Prezident Sarayına yollanıb. Səfərdə Makronu Suriyanın müharibədən sonrakı bərpası və yenidən qurulması ilə bağlı keçiriləcək dəyirmi masada iştirak edəcək fransız şirkətlərinin nümayəndələrindən ibarət heyət müşayiət edir.