Türkiyədə İŞİD-lə əlaqədə şübhəli bilinən 119 nəfər saxlanılıb

Türkiyənin 30 vilayətində həyata keçirilən genişmiqyaslı antiterror əməliyyatı zamanı İŞİD terror təşkilatı ilə əlaqədə şübhəli bilinən 119 nəfər saxlanılıb.Bu barədə Türkiyənin Daxili İşlər Nazirliyi məlumat yayıb.

Məlumata görə, əməliyyat jandarma qüvvələri tərəfindən İstanbul, Ankara, Adana, Antalya, Bursa, Qaziantep, Kocaeli, Konya, Mardin, Samsun, Van da daxil olmaqla 30 vilayətdə keçirilib.

Saxlanılan şəxslər İŞİD-in üzvü olmaqda, sosial şəbəkələr vasitəsilə terror təşkilatının təbliğatını aparmaqda, həmçinin terror təşkilatı ilə əlaqəli şəxslər və guya xeyriyyə təşkilatları vasitəsilə onun maliyyələşdirilməsində ittiham olunurlar. Əməliyyat nəticəsində terror təşkilatına aid çox sayda sənəd və rəqəmsal material ələ keçirilib.