Kaliforniyada "F-35" qırıcı təyyarəsi qəzaya uğrayıb

ABŞ-nin Kaliforniya ştatında ABŞ Dəniz Piyadaları Korpusuna məxsus beşinci nəsil "F-35B" qırıcı təyyarəsi qəzaya uğrayıb.Bu barədə ABŞ hərbi rəsmilərinə istinadən "Fox News" məlumat yayıb.

Məlumata görə, hadisə San-Dieqodakı "Miramar" Hərbi Hava Bazası yaxınlığında baş verib. ABŞ Dəniz Piyadaları Korpusu insidenti ən yüksək kateqoriyalı aviasiya qəzası – "A sinifli qəza" kimi qiymətləndirib. Təyyarə yerə düşdükdən sonra yanğın baş verib. 

Rəsmilər pilotun katapult vasitəsilə təyyarəni tərk etdiyini və xilas olunduğunu bildiriblər. Onun xəstəxanaya çatdırıldığı, vəziyyətinin stabil olduğu qeyd edilib. Qəzanın səbəbləri araşdırılır.