İndoneziyada 5,5 maqnitudada zəlzələ olub

İndoneziyanın Flores adası sahillərində 5,5 maqnitudalı zəlzələ baş verib.Bu barədə Avropa-Aralıq dənizi Seysmoloji Mərkəzi (EMSC) məlumat yayıb.

Zəlzələnin episentri 34 mindən çox əhalisi olan Rutenq şəhərindən 65 kilometr şimalda, ocağı isə 160 kilometr dərinlikdə yerləşib.

Xəsarət alanlar və dağıntılar barədə məlumat yoxdur.

EMSC-nin məlumatına görə, gün ərzində İndoneziyada ən azı 14 yeraltı təkan qeydə alınıb. Onların ən güclüsü 4,3 maqnitudalı olub.

Avqustun 15-də İndoneziyanın Flores adası sahillərində 7,7 maqnitudalı zəlzələ baş verib. Son məlumatlara görə, təbii fəlakət nəticəsində azı 71 nəfər ölüb.