Uitkoff və Kuşner Moskvaya gedib

ABŞ Prezidenti Donald Trampın xüsusi nümayəndələri Stiven Uitkoff və Cared Kuşneri daşıyan təyyarə Moskvaya çatıb.

“İnterfaks” aviasiya xidmətlərindəki mənbəyə istinadən xəbər verir ki, təyyarə Moskvanın “Vnukovo” hava limanına enib.

Məlumata görə, ABŞ nümayəndələri Ukraynadakı müharibənin dayandırılması ilə bağlı danışıqlar aparmaq üçün Rusiyaya gediblər.

Tramp daha əvvəl Uitkoff və Kuşnerin Rusiya-Ukrayna müharibəsinin başa çatdırılması məqsədilə yeni sülh təklifi ilə Moskvaya və Kiyevə səfər edəcəyini açıqlamışdı.

Ukrayna Prezidenti Volodimir Zelenski ABŞ nümayəndələrinin Moskva səfərindən sonra sentyabrın 6-da Kiyevə gedəcəyini bildirib.