İran ordusu Hörmüz boğazında gəmilərə hücum edib

İran ordusu Hörmüz boğazında İranın müəyyən etdiyi qaydaları pozan gəmilərə zərbələr endirib.Bu barədə IRIB xəbər verir.

İranın Cask və Qeşm adasında eşidilən partlayış səsləri də bununla əlaqələndirilib.

IRIB-nin məlumatına görə, bölgədə eşidilən səslər Hörmüz boğazında qaydaları pozan gəmilərə qarşı həyata keçirilən tədbirlərlə bağlı olub və Cask və Qeşmdə ayrıca partlayış baş verməyib.

“Xatəm əl-Ənbiya” mərkəzi qərargahı isə ABŞ ordusuna xəbərdarlıq edib. Qərargah bildirib ki, ABŞ tərəfindən İran gəmilərinə qarşı müdaxilələr və dəniz blokadası davam edərsə, İran Silahlı Qüvvələrinin bölgədəki ABŞ hərbi gəmilərinə qarşı zərbələri daha da güclənə və genişlənə bilər.

ABŞ Silahlı Qüvvələrinin Mərkəzi Komandanlığı (CENTCOM) isə daha əvvəl İranın üç tankerinə zərbə endirdiyini açıqlayıb. Vaşinqton bunu İslam İnqilabı Keşikçiləri Korpusunun (SEPAH) ABŞ hərbi gəmilərinə qarşı hücum cəhdi ilə əlaqələndirib.