Görünməmiş qalmaqal: 50 minlik saxta əsgər

İraqda maaşlarını komandirlərin götürdüyü 50 min saxta əsgərin olduğu ortaya çıxıb.

ANN.Az dünya mətbuatına istinadən xəbər verir ki,  maaş siyahısı ilə əsgər siyahısını müqayisə edən yeni hökumət orduda olmayan 50 min adama maaş verildiyinin üstünü açıb. Baş nazir Heydər İbadi orduda təxminən 4 diviziyanın saxta olduğunu ifadə edərək, xeyli vəzifədən sui-istifadə halının olduğunu bildirib.

Rəsmilərdən biri ordudakı korrupsiyanı belə şərh edib:

"Bu hal 2 cür baş tutub. Birincisi hər zabitə 5 əsgər verilir. O zabit də ikisini saxlayır, üçünü evlərinə göndərir. Evlərinə göndərdiyi üç əsgərin pulunu da zabit cibinə qoyur. İkincisi isə qrup səviyyəsində olur. Bir bölük komandiri 30-40 əsgəri evlərinə göndərir. Burada da problem budur ki, o komandir öz vəzifəsində qala bilməsi üçün "yuxarı"lara yüksək miqdarda rüşvət yedirir".

ANN.Az