Papa: "Bu Miladda daha çox göz yaşı var"

Dünən Papa Francesco Müqəddəs Peter Meydanında Milad çıxışı edib.

ANN.Az xəbər verir ki, Papa öz moizəsində Suriya və İraqdakı İŞİD zülmündən tutmuş Ebola epidemiyasına qədər bir çox mövzulara toxunub. Papa "Bu Miladda çox gözyaşı var" deyib. Daha sonra o, çıxışında bu fikirləri səsləndirib: "Hz. İsanın doğulduğu torpaqlarda uşaqlar bombardmanlar nəticəsində öldürülürlər. Onların gücsüz səssizliyi qılınclar altında inləyir. Müasir Hirodun (Hz. İsanı yox etmək üşün Beytullahimdəki bütün oğlan uşaqlarını öldürən yəhudi kralı) əllərində qan var".

Daha sonra İŞİD qırğınlarından bəhs edən papa Allaha üz tutaraq "Dünyanın sahibinə İraq və Suriyada digər etnik və dini qruplarla birlikdə acı çəkən və zülm görən qardaşlarımızı qorusun deyə dua edirəm" - yalvarıb.

Qeyd edək ki, papa bu çıxışından bir gün öncə Ərbil yaxınlarındakı Ankava kampındaki iraqlı xristianlara telefon edərək "Siz Milad gecəsindəki İsa kimisiniz. Onun da yeri yox idi və Misirə getmək məcburiyyətində qalmışdı" - deyib. Papa eyni zamanda Pakistanda Talibanın təşkil etdiyi məktəb terroru nəticəsində çoxu uşaq olmaqla öldürülənlərin ailələrinə səbr diləyib.

O, eyni zamanda öz çıxışında qadınların abort etdirmə mövzusuna toxunub: "Körpələr ana bətnində öldürülür. Bu həyata nifrət bəsləyən bir dünyagörüşüdür".

ANN.Az