“Şengen” vizası almaq çətinləşəcək

Fransanın təşəbbüsü ilə Parisdə, Avropa İttifaqı (Aİ) ölkələrinin daxili işlər nazirlərinin iştirakı ilə toplantı keçirilib. ANN.Az Fins.az-a istinadən xəbər verir ki, yığıncaqdan çıxan mesajlar, qarşıdakı dövrdə sərhədlərdə yoxlamadan keçmədən səfər imkanı təmin edən "Şengen” (Schengen) sistemində dəyişikliyə gediləcəyinə və mövcud qaydaların sərtləşdirilməsinin gündəmə gələcəyinə işarə edir.

Aİ ölkələri uzun müddətdir, xüsusilə xarici sərhədlərdəki yoxlamaların gücləndirilməsi üçün texniki iş icra edirdi. İspaniyanın daxili işlər naziri Jorge Fernandez Diaz, Aİ-nin mövcud viza qaydalarının terror hücumları etmək istəyənlərin hərəkətini asanlaşdırdığına diqqət çəkib.

Fransanın daxili işlər naziri  Bernard Cazeneuve isə, "AB-nin qanunları terrorla mübarizə üçün kafi deyil” deyib.
"Şengen” də qaydaların möhkəmləşdirilməsinin mövcud viza tətbiqlərinə qısa müddətdə birbaşa təsir  etməsə də orta və uzun müddətdə bilvasitə bir təsir edə bilər. İlkin mərhələdə, xaricdən Aİ-yə daxil olanlar haqqında maksimum səviyyədə, daha dərin, konkret və doğru məlumat əldə edilməsi qarşıya məqsəd qoyulur.

ANN.Az