İŞİD-in qadınlara etdiyi növbəti vəhşiliyi

ANN.Az BBC-yə istinadən xəbər verir ki, terror təşkilatı olan İŞİD-in vəhşiliyini sübuta yetirən daha bir fakt ortaya çıxıb. Bu barədə yezidi qadınlardan biri BBC-də İŞİD-lə bağlı hazırlanmış proqrama danışıb. "Slaves of the Caliphate" (Xəlifəliyin əsirləri) adlı sənədli filmə çəkilən Hamşe (Hamshe) adlı qadın bildirib ki, İŞİD yaraqlıları yezidi qadınlardan, eləcə də uşaqlardan zorla qan alırmış. Onlar alınan çox sayda qanı yaralı yoldaşlarına verirlərmiş.

Sənədli filmdə o da qeyd olunur ki, indiyə qədər mediaya, ictimaiyyət qarşısına çıxan qadınlar təhlükəsizik məqsədilə adlarını gizli tutub, sifətlərinin görünməsini istəməyiblər. Amma bu yezidi qadın ilk dəfə adını deyib, sifətini göstərib. Hamşe İŞİD-in öldürdüyü həyat yoldaşından bir uşağı olduğunu, 28 gün əsirlikdə qaldığını, sonra isə qaçmağı bacardığını bildirib. Başına gələnlərdən danışan Hamşe əsir alınaraq bir evdə uzun müddət ac və susuz saxlandığını, İŞİD yaraqlısının onunla zorla evlənmək istədiyini deyib: "Məni ac-susuz saxlamaqla ram etmək istəyirdi. Eyni zamanda bizdən yaraflı əsgərlər üçün qan alırdılar".

Necə qaçdığını bildirin Hamşe "Bir axşam uşaq susuzluqdan ağlayırıdı. Qapını döydüm və çöldə bütün əsgərlərin yatdığını gördüm. Gizlincə bir şüşə su götürüb uşağı da qucağıma alıb qaçdım. Günlərlə yol qət etdim" - deyib.