"İŞİD"ın rəhbəri vuruldu

ANN.Az AzVision.az-a istinadən xəbər verir ki, bu barədə "Əl-Həyat” qəzetinə müsahibəsində İraqın baş naziri Heydər əl-Abadi bəyan edib. 

"İŞİD lideri Əl-Qaim şəhərinə endirilən aviazərbələr nəticəsində yaralanıb, lakin o, müəmmalı şəkildə sağ qalıb. Bağdadi vaxtının böyük hissəsini Suriyada keçirir”, - deyə Baş nazir əlavə edib. 

Xatırladaq ki, ötən ilin iyun ayının əvvəlindən etibarən İraqda hökumət qüvvələri ilə "İraq və Şam İslam Dövləti” (İŞİD) silahlıları arasında qanlı döyüşlər davam edir. Mosul və Kərkük şəhərləri də daxil olmaqla bir sıra İraq şəhərləri İŞİD yaraqlıları tərəfindən ələ keçirilib.

İyunun sonunda "İslam Dövləti" İraqda və Suriyada onun nəzarəti altında olan ərazilərində "İslam Xilafəti" yaratdığını elan etdi. İraq hakimiyyəti bu təşkilata qarşı mübarizədə kömək üçün beynəlxalq birliyə müraciət etdi.