• $
  • €
  • ₽
  • ₺
  • £

Dünyanın ən bahalı 11 valyutası - Siyahı+Fotolar

Dünyanın ən bahalı 11 valyutası - Siyahı+Fotolar
17.02.2015 20:12
ABŞ dolları şübhəsiz, dünyada ən çox istifadə olunan valyutadır. Əksər beynəlxalq ticarət sövdələşmələri daha çox məhz dollar vasitəsilə gerçəkləşdirilir. Hətta dolları ümumdünya valyutası da adlandırmaq olar. Amma qeyd etmək lazımdır ki, dollar geniş istifadə olunsa da, məzənnə baxımından ən bahalı valyuta deyil.
 
ANN.Az Modern.az-a istinadən hazırda dollara nisbətdə ən bahalı dünya valyutalarını və onların məzənnəsini təqdim edir.  

Küveyt dinarı – 3,38 dollar
Küveyt əmirliyinin rəsmi pul vahidi sayılan Küveyt dinarı birmənalı olaraq dünyanın ən bahalı valyutası hesab olunur. O 1961-ci ildən dövriyyədədir.

Bəhreyn dinarı – 2,65 dollar
Bəhreyn krallığının rəsmi pul vahidi olan dinar isə dollara nisbətdə ikinci ən güclü valyuta sayılır. Bu pul 1965-ci ilin oktyabrından dövriyyədədir.

Oman rialı – 2,59 dollar
Oman sultanlığı 1974-cü ilin martından rialı rəsmi pul kimi istifadə edir.

Britaniya funt-sterlinqi – 1,53 dollar
Böyük Britaniya Avropa Birliyinin üzvü olsa da, funt-sterlinqdən imtina etməyib. 1694-cü ildə İngiltərə bankı funt-sterlinq banknotları çap etməyə başladıqdan bəri bu pul vahidi dollar və digər qlobal valyutalar qarşısında dəyərini itirmir.

Cəbbəllütarik funtu – 1,53 dollar
Böyük Britaniyanın Pireney yarımadasında yerləşən kiçik müstəmləkəsi - Cəbbəllütarik krallığın tərkibinə daxil olsa da, öz valyutasına malikdir. 1927-ci ildən dövriyyədə olan Cəbbəllütarik funtu nominal dəyərinə görə həmişə 1 funt-sterlinqə bərabərdir və buna görə də dollardan bahadır.

İordaniya dinarı - 1,41 dollar
İordaniya krallığı 1950-ci ildən dinarı rəsmi pul vahidi kimi istifadə edir. Adətən, həm sikkə, həm də kağız pulların üzərində hakimiyyətdəki Haşimilər sülaləsinin üzvləri təsvir olunub.

Azərbaycan manatı - 1,27 dollar
Azərbaycan manatı dollara nisbətdə ən bahalı 7-ci valyutadır. 1992-ci il avqustun 15-dən dövriyyədə olan manat 2006-cı il yanvarın 1-dən 5000:1-ə nisbətində devalvasiya olunub.

Kayman adaları dolları – 1,21 dollar
Karib hövzəsində yerləşən Böyük Britaniyanın müstəmləkəsi olan Kayman adaları 1972-ci il mayın 1-dən yerli dollardan istifadə edir.

Avro - 1,13 dollar
19 Avropa ölkəsinin pul vahidi olan avro 1999-cu il yanvarın 1-dən istifadə olunur. Daha 9 ölkədə isə rəsmi valyuta ilə yanaşı, istifadə olunur. ABŞ dollarından sonra dünyada ən çox isitfadə olunan ikinci beynəlxalq valyutadır.

İsveçrə frankı – 1,07 dollar
İsveçrə frankı İsveçrə və Lixtenşteynin rəsmi pul vahididir. İlk banknot seriyaları hələ 1907-ci ildə çar olunub. Frank stabil kursuna görə dünya ölkələri tərəfindən rezerv valyuta kimi geniş istifadə olunur.

ABŞ dolları
Qeyd edək ki, ABŞ dollarının özü dəyərinə görə dünyanın 11-ci valyutası sayılır. Dollar ilk dəfə 1861-ci ildə Amerika bankları tərəfindən əskinas halında çapa buraxılıb.

ANN.Az
 
 











Youtube
Keçid et
Oxşar xəbərlər
Oxşar xəbərlər
Tramp İrana zərbələri bərpa etməyi nəzərdən keçirir
Dünya 22:46
Tramp İrana zərbələri bərpa etməyi nəzərdən keçirir
Gürcüstanda surroqat analıq qadağan edilir
Dünya 19:03
Gürcüstanda surroqat analıq qadağan edilir
Almaniyada kilsədə dəm qazı sızması nəticəsində 19 nəfər zəhərlənib
Dünya 18:30
Almaniyada kilsədə dəm qazı sızması nəticəsində 19 nəfər zəhərlənib
ABŞ-də əyləncə mərasimində atışma nəticəsində doqquz nəfər yaralanıb
Dünya 17:03
ABŞ-də əyləncə mərasimində atışma nəticəsində doqquz nəfər yaralanıb
İstanbulda yaşayış binasının 16 sakini qazdan zəhərlənib
Dünya 15:08
İstanbulda yaşayış binasının 16 sakini qazdan zəhərlənib
DMM-dən “Malatya ayağa qalxdı” iddialarına rəsmi reaksiya
Dünya 14:34
DMM-dən “Malatya ayağa qalxdı” iddialarına rəsmi reaksiya
İranda spirtli içkidən kütləvi zəhərlənmə: 3 nəfər ölüb, 33 nəfər xəstəxanaya yerləşdirilib
Dünya 08:58
İranda spirtli içkidən kütləvi zəhərlənmə: 3 nəfər ölüb, 33 nəfər xəstəxanaya yerləşdirilib
Nigeriyada gəmi qəzasında 26 nəfər ölüb
Dünya 08:43
Nigeriyada gəmi qəzasında 26 nəfər ölüb
Hindistanda spirtli içkidən zəhərlənən 15 nəfər ölüb
Dünya 23:56
Hindistanda spirtli içkidən zəhərlənən 15 nəfər ölüb
Anews TV

Rəsmi Youtube kanalımız

Abunə ol