Çin “Apple”ı yeni məhsullarını təqdim etdi

 

Yeni planşetofon modelinin tam adı "Xiaomi Mi Note Pink Edition" adlanır.  Bu aparat çəhrayı rəngdədir. Başqa yenilik yoxdur.

 

"ICTnews" elektron xəbər xidməti "cnews.ru" saytına istinadən bildirir ki, yeni ucuz "Redmi 2A" smartfonunun dəyəri təxminən 97 dollar təşkil edir.

 

"Redmi 2A" smartfonu 1280 x 720 piksel təsvir ölçülü 4,7 düymlük ekran, 1.5 QHs takt tezlikli dördnüvəli "Leadcore LC1860" prosessoru, " Mail T628MP2" qrafik sürətləndiricisi, 1 QB əməli yaddaş, 8 QB daxili yaddaş ("microSD" yaddaş kartını dəstəkləyir), 8 meqapiksellik əsas kamera və 2 meqapiksellik ön kamera, "SİM" kartlar üçün iki konnektor, "LTE" texnologiyası və 2200 milliamper/saat tutumlu akkumulyator batareyası ilə təchiz edilib.

 

Yeni televizor modeli "4K" formatlı 55 düymlük ekranla təchiz edilib. Şirkət "Samsung" istehsalının maye kristal panelindən istifadə edib. Televizor 1,4 QHs takt tezlikli dördnüvəli "Cortex A17" prosessoru, 2 QB-lıq əməli yaddaş, 8 QB daxili yaddaşla təchiz edilib və "Dolby" texnologiyasını dəstəkləyən 8 dinamika ilə təklif edilir.

 

Yeni televizor Çində 806 dollara satışa çıxarılacaq.

 

"Smart Scale" elektron tərəzi bazardakı başqa müvafiq məhsullara (məsələn, "Fitbit Aria") oxşardır. Elektron tərəzi "Mi Fit" mobil proqramı ilə "Bluetooth" üzrə sinxronlaşdırılır. Yeni  qurğu təxminən 16 dollar qiymətinə satışa çıxarılacaq. Müqayisə üçün, "Fitbit Aria" qurğusunun dəyəri 100 dollardan yüksəkdir.

 

Nəhayət, "Smart Socket" uzadıcısı Avropa və ABŞ daxil olmaqla üç elektrik çəngəli standartına uyğun üç elektrik rozetkası ilə təchiz edilib.