İsrail Rusiyadan niyə küsüb?

ANN.Az xarici ölkə mediasına istinadən xəbər verir ki, bununla bağlı rəsmi Təl-Əviv qərar verib. Qeyd edək ki, Böyük Vətən Müharibəsinin bitməsinin 70 illiyinə həsr olunan tədbirdə iştirak etməklə bağlı İsrail ilk dəfədir belə bir qərar verir.

İsrailin "Yedioth Ahronoth" qəzetinin yazdığına görə, İsrailin bu addımının arxasında Rusiya ilə İran münasibətləri dayanır. Bu günlərdə Rusiya İrana "s-300" müdafiə sistemini təhvil vermişdi.

İndiyə qədər İsrail faşist Almaniyası üzərində qələbənin qeyd olunması ilə bağlı 9 May tədbirlərinə yüksək rütbəli şəxslərin təmsilçiliyi ilə qatılıb. Qeyd edək ki, İsrail baş naziri Binyamin Netanyahu "S-300" mövzusu ilə bağlı Rusiya prezidenti Vladimir Putinə bir həftə ərzində iki dəfə telefon açaraq "qərardan duyduğu qayğıları"nı dilə gətirib. 

Eyni zamanda nazirlərin toplantısında çıxışı zamanı Netanyahu "İranın bölgədəki hücumlarının artıdığı bir zamanda Rusiyanın İrana "S-300" uzunmənzilli havadan müdafiə sistemlərinin təslimi ilə bağlı qadağaların qaldırılması ilə bağlı qərarını çox təhlükəli olduğunu göstərir" - bildirib.

Netanyahu onu da vurğulayıb ki, İsrail vətəndaşlarının təhlükəsizliyi ilə bağlı bütüm tədbirləri həyata keçirəcəm.

Rusiya vı İran arasında 2007-ci ildə "S-300" havadan müdafiə sisteminin satışı ilə bağlı anlaşma əldə olunmuş, ABŞ və İsrail anlaşmaya sərt tərki göstərmişdir. Rusiya 2010-cu ildə BMT-nin İrana yönəlik silah embarqosundan sonra "S-300"ün təslimatını dayandırmışdı. İran isə bununla bağlı Rusiyaya qarşı 4 milyard dollarlı iddia qaldırmışdı. 

Prezident Putin aprelin 13-də imzaladığı qərarla "S-300" sistemlərinin İrana təslim olunması ilə bağlı qadağanı ləğv etdi.