Müxbir mikrafonu atıb həkimlik etdi

ANN.Az-in "İndependent"ə istinadən xəbər verir ki, CNN müxbiri doktor Sanjay Qupta media qurumunun səhiyyə şöbəsində çalışıb. O, Nepaldakı "Katmandu Bir" adlı xəstəxanada olarkən 15 yaşındakı Sandhya Chalise divarın üstünə düşməsi səbəbilə ağır yaralanıb və təcili əməliyyata alınıb. Təsadüfən, Atlantadakı xəstəxanada beyn cərrahı işləmiş və hazırda CNN müxbiri işləyən Qupta Sandhyanın əməliyyatına girməyə qərar verir.

Əməliyyatdan sonra açıqlama verən S.Qupta bildirib ki, hadisə zamanı onun orada olmasını balaca Sandhyanın şansı saymaq lazımdır: "Həmin sırada daha bir cüt əlin ehtiyac duyulduğunu gördüm və heç tərəddüd etmədən əlimdəki mikrafonu bir kənara atın yardıma cumdum". CNN müxbiri qeyd edib ki, hazırda Nepalda daha çox tibb işçisinə, peşəkarlara, eyni zamanda tibbi dərman-ləvazimatlara daha çox ehtiyac var. O, bundan sonra da xəstə sayının artacağını düşündüyünü deyib.

Beyin əməliyyatı keçirən Sandhya Chalisenin vəziyyətinin yaxşı olduğu deyilir.