ABŞ bu şəxslərin başına pul qoydu - 20 milyon dollar

ANN.Az xarici ölkə mediasına istinadən xəbər verir ki, bu barədə ABŞ Müdafiə Nazirliyi məlumat yayıb. "Ədalət üçün mükafat" ("Rewards for Justice") proqramı əsasında İŞİD liderlərindən Abdulrahman Mustafa el Kaduli üçün 7 milyon dollar, Ebu Muhammed el Adnani və Tarkan Tayumurazoviç Batiraşvili üçün ayrı-ayrılıqda 5 milyon dollar, Tarık Bin el Tahar Bin el Falih el Avni el Harzi üçün isə 3 milyon dollar pul mükafatı veriləcəyi bildirilir.

Nazirliyin açıqlamasında o da qeyd olunur ki, hazırda İŞİD-in yüksək səviyyəli komandirlərindən Kadulu ən əvvəl İraq "Əl Qaidə"sinin üzvü olub, Adnani İŞİD-in rəsmi sözçüsüdür, Batiraşvili İŞİD-in Suriyanın şimalındakı komandirlərindən biridir, Harzi isə təşkilatın Türkiyə-Suriya sərhədində liderlərindəndir.