ABŞ-dan Krım tatarlarına dəstək

ABŞ Dövlət Departamenti Krım tatarlarının deportasiyasının 71-ci ildönümü ilə əlaqədar bəyanat verib.

ANS PRESS-in məlumatına görə, bəyanatda deyilir ki, 2014-cü ilin martında referendumun nəticələrinə görə, Rusiyanın Krımı özünə birləşdirməsini tanımır. "Biz Ukraynanın müstəqilliyi və onun ərazi bütövlüyünü tanıyırıq. Bundan sonra da dəstəkləyəcəyik.

Bu xalqı daim sıxışdırırlar. Krım tatarlarının babaları repressiyalar şəraitində yaşayıblar, sürgündə yaşamağa məcbur ediliblər və onların nəsillərindən bir çoxu heç vaxt geri qayıtmayıb. Bu gün Krım tatarları Rusiya tərəfindən işğal edilmiş Krımda repressiyalar və diskriminasiya ilə üzləşirlər.

On min krım tatarı öz vətənindən qaçmağa məcbur edilib. Qalanlar isə zorakılığa məruz qalırlar, dindirilirlər, döyülürlər, həbs olunurlar, evlərdə və məscidlərdə əsasız polis axtarışları aparılır. Bu qəddarlıqlardan və insanın hüquqlarının pozulmasından qurtarılmalıdır".

Krım tatarlarının lideri Sergey Aksyonov söyləyib ki, hüquqlarının pozulması haqqında bəyanatlar, krım tatarlarının və başqa xalqların azadlıqlarının boğulması həqiqətə uyğun deyil. Krımın dirçəlişi və müharibə illərində respublikadan deportasiya edilmiş insanların qayıdış proqramına 2020-ci ilə qədər təqribən 10 milyard rubl ayrılacaq.

Xatırladaq ki, Krım və Sevastopol 2014-cü ilin martında keçirilmiş referendumdan sonra Rusiyaya birləşdirilib. Prezident Vladimir Putin bildirib ki, Krımda referendumun keçirilməsi beynəlxalq hüququn normalarına və BMT-ın Nizamnaməsinə uyğundur.

www.ann.az