ABŞ İŞİD-lə döyüşmək üçün daha 500 əsgər yollayır

ANN.Az xarici ölkə mediasına istinadən xəbər verir ki, Pentaqon iraqlı hərbçilərin təlimi üçün 500 zabitini İraqa ezam edəcək. Pentaqonun mətbuat məsələləri üzrə sözçüsü Steven Varren bu barədə açıqlama verib: "Daha çox iraqlı təhlükəsizlik qüvvəsinin təhsil alması üçün bir qərara gəldik. İndi bununstrateji baxımdan həyata keçirilməsinə başlanılıb".

Varrenin sözlərinə görə, ABŞ zabitlərindən təlim görən iraqlı hərbiçilər gözlənildiyindən daha müsbət nəticə verdiyinə görə daha çox əsgərin də püxtələşməsi lazım bilindi. O, qeyd edib ki, bu təlimlərə əsasən sünni təriqətindən olan əsgərlər daxildirlər. 

İndiyə qədər sünni əsgərlərin təlim və təhsilinə Bağdaddakı mərkəzi hökumət cavabdeh idi.

ABŞ-ın İraqa göndərəcəyi 500 zabitin hədəfində İraq ordusunun Ənbar vilayəti və Ramadini ələ keçirən İŞİD-ə qarşı verdiyi mübarizəni gücləndimək, terror təşkilatının ölkə daxilində irəliləməsinin qarşısını durdurmaq olduğu bildirilir.

Prezident Barak Obama keçən ilin noyabr ayında 1500 hərbçinin İraqa göndərilməsi haqqında əmr imzalamışdı. Hazırda 3100 amerikan əsgərinin İraqda olduğu deyilir.