Obama transseksualı Ağ Evdən qovdu

ANS PRESS-in məlumatına görə, qalmaqal görüşün əvvəlində başlayıb. Obama danışmağa başlayarkən transseksual anlaşılmaz sözlər qışqırmağa başlayıb. 

Obama əvvəlcə onu təmkinlə sakitliyə dəvət edib, xatırladıb ki, "qonaq getdiyin yerdə” özünü bu cür aparmaq olmaz. Bu, kömək olmayıb. Onda prezident bildirib ki, qışqıran adamı zaldan çıxcaracaqlar.

"Siz ya özünüzü sakit aparacaqsınız, ya da sizi buradan çıxarmalı olacam… Yaxşı, çıxarın onu", - deyə Obama mühafizəyə tapşırıb. 

Transseksual isə qışqırmağa başlayıb: "…deportasiya ola bilməz!".

Sonra prezident dediklərini şərh edib: "Adətən mən zalda bir neçə bu cür çığır-bağırçı olanda özümü normal hiss edirəm. Amma öz evimdə buna yol verə bilmərəm".