"Əsrin toyu"

Tanınmış aktrisa və müğənni, model Paris Hiltonun bacısı milyonerlə ailə həyatı qurub. ANS PRESS-in məlumatına görə, 31 yaşlı Niki Hiltonla Ceyms Rotşildin toyu LondondaKensinqton sarayında olub. Onun həyat yoldaşı 31 yaşlı Ceyms Rotşild İngiltərənin ən zəngin bankir ailələrindən olan Rotşild ailəsinin varisidir.

Qərb mətbuatı hətta iyulun 10-da baş tutan toyu əsrin toyu adlandırıb. Çünki bu toyda İngiltərənin və dünyanın ən zəngin ailələri qohum olub. Belə ki, Niki Hilton da böyük miras sahibidir. O, "Hilton" otellər şəbəkəsinin yaradıcısı Konrad Hiltonun nəticəsi və varisidir.


Gəlin Niki Hiltonun geyindiyi sadə və qapalı gəlinlik bəzən ona çətin anlar da yaşadıb. "Valentino"dan olan 77 min dollarlıq gəlinliyin duvağı bir məqamda maşının təkəri altında qalıb.

Niki Hiltonun gəlinliyi ona çətin anlar yaşadıb.  Gəlinliyin duvağı təkərin altında qalıb.

Toyda gəlinin rəfiqəsi olan 33 yaşlı bacısı Paris Hiltonun da bu yaxınlarda toy edəcəyi deyilir. Onun bu dəfə seçdiyi şəxs isə isveçrəli milyoner biznesmen Tomas Qrossdur. Etdiyi seçimdən razı qalan Hilton hətta onu ailəsi ilə də tanış edib. Hiltonun anası görüşdən sonra qızının, nəhayət ki, layiqli adama rast gəldiyinə görə xoşbəxt olduğunu deyib. Qeyd edək ki, Paris Hilton bacısından fərqli olaraq Hilton mirasının varisi deyil. O, bir neçə dəfə qanunu pozduğuna və qısa müddətə də olsa həbs edildiyinə görə babası onu cəzalandıraraq varislikdən çıxarıb.

www.ann.az