Yaponiyada daha bir güclü zəlzələ baş verib.

Oxu.Az Reuters-ə istinadən xəbər verir ki, ölkənin Kumamoto əyalətində 7,1 bal gücündə zəlzələ qeydə alınıb.

Yeraltı təkanların episentri əyalətin inzibati mərkəzinin 1 kilometrliyində, ocağı isə 7 km dərinlikdə yerləşib.

 

Qeyd olunur ki, Kumamoto şəhərində 740 min əhali yaşayır. Əyalətdə sunami təhlükəsi elan edilib. 

Ötən gün Yaponiyanın cənub-şərqində baş verən zəlzələ nəticəsində 9 nəfər ölüb, 860 nəfər xəsarət alıb.