Azərbaycanın 2024-cü il dövlət büdcəsində müdafiə və milli təhlükəsizlik xərcləri 6 milyard 421 milyon 47,42 min manat (indiki məzənnə ilə 3,777 milyard dollar) təşkil edəcək.
Çərşənbə axşamı Azərbaycan prezidenti İlham Əliyev "2024-cü il dövlət büdcəsi haqqında” qanunu təsdiq edib, sənəd dövlət başçısının saytında dərc olunub.
2024-cü ilin dövlət büdcəsində müdafiə və milli təhlükəsizlik xərclərinin xüsusi çəkisi 17,4 faiz təşkil edir.
2023-cü illə müqayisədə gələn il dövlət büdcəsinin bu maddəsi üzrə xərclər 6% artacaq.
Sənədə əsasən, 2024-cü ilin dövlət büdcəsində silahlı qüvvələrə xərclər 2 milyard 465,55 milyon manat (1,45 milyard dollar), milli təhlükəsizlik üçün 413,4 milyon manat (243,2 milyon dollar) , sərhəd xidməti üçün - 487,7 milyon manat (268,9 milyon dollar) səviyyəsində nəzərdə tutulub.
Bundan başqa, 2024-cü il üçün xüsusi müdafiə təyinatlı layihə və tədbirlər üzrə xərclər 3 milyard manat (1,76 milyard dollar), qalan hissəsi isə digər məqsədlər üçün nəzərdə tutulub.
N.Təbrizli
www.anews.az
Bizi sosial şəbəkələrdə izləyin !
