Festival ulu öndərin xatirəsinə ehtiram əlaməti olaraq ali məktəb tələbələrini vətənpərvərlik, incəsənətimizə, mədəniyyətimizə və milli adət-ənənələrimizə hörmət ruhunda tərbiyələndirmək, həmçinin incəsənət sahəsindəki istedadlarını üzə çıxarmaq və inkişaf etdirmək məqsədilə Azərbaycan Respublikası Təhsil Nazirliyi və Azərbaycan Təhsil İşçiləri Azad Həmkarlar İttifaqı Respublika Komitəsinin Rəyasət heyətinin birgə qərarına əsasən baş tutdu.

Festivalda münsiflər heyətinin üzvləri İncəsənət gimnaziyasının xoreoqrafiya şöbəsinin müdiri, xalq artisti Təranə Muradova, Azərbaycan Dövlət Pedaqoji Universitetinin müəllimi, Azərbaycan Respublikasının əməkdar incəsənət xadimi Nailə Mirməmmədli, Azərbaycan Milli Konservatoriyasının baş müəllimi Samir Cəfərov, Azərbaycan Dövlət Akademik Opera və Balet Teatrının baş rejissoru, Azərbaycan Respublikasının əməkdar İncəsənət xadimi Hafiz Quliyev  idi.

 

 

Tədbir yaxın günlərdə işğalçı düşmənlərimizin hücumu nəticəsində həlak olanların ruhunun bir dəqiqəlik sükutla yad edilməsi ilə başladı. Daha sonra vətənpərvərlik mövzusunda videoçarx nümayiş olundu. "Dalğa” rəqs ansamblı "Nəlbəki”, "Çobanlar”, "Xəyal”, "Qaval”  rəqslərini ifa etdilər, müxtəlif fakültələrin tələbələri- Pedaqoji (ingilis dili-fransız dili) fakültəsinin tələbəsi Nəzifə Quluzadə "Çırpınırdı Qara dəniz”, eyniadlı fakültənin tələbəsi Fatimə Şirəliyeva, Pedaqoji (ingilis dili-alman dili)  fakültənin tələbəsi Nigar Qasımova, Regionşünaslıq və Beynəlxalq Münasibətlər fakültəsinin tələbəsi Əvəz Muradov, Tərcümə fakültəsinin tələbəsi Salman Quliyev mahnılar oxudular.

 

 

Həmçinin Regionşünaslıq və Beynəlxalq münasibətlər fakültəsinin tələbəsi Qurban Qurbanov "Elegiya” və Pedaqoji (ingilis dili-fransız dili)  fakültənin tələbəsi  Röya Məmmədova "Ay anam” şeirlərini səsləndirdilər. Regionşünaslıq və Beynəlxalq Münasibətlər fakültəsinin tələbəsi Tural Rzazadə skripkada "Vətənimsən” mahnısını ifa etdi.

 

 

Daha sonra Pedaqoji (ingilis dili-fransız dili)  fakültənin tələbəsi  Coşqun  Dadaşov, Pedaqoji (ingilis dili-alman dili)  fakültənin tələbəsi  Aysel Hacıyeva və Tərcümə fakültəsinin tələbəsi Vəfadar Namiqzadə popuri ifa etdilər.

 

 

Sonda ADU-nun rektor vəzifəsini icra edən professor Dünyamin Yunusov qonaqlara, eyni zamanda tələbələrə dərin təşəkkürünü bildirdi və onlara uğurlar arzuladı.