Dillər Universitetinin mətbuat xidmətin ANN.Az-a verilən məlumata görə, universitetin professor-müəllim və tələbə heyətinin iştirak etdiyi tədbirdə "Novruz” bayramı, onun milli atributları, bayramın özünəməxsus adət-ənənələri haqqında qısa məlumat verildi.

 

Daha sonra çıxış edən ADU-nun Tərbiyə işləri üzrə prorektoru, professor Ələddin Əliyev "Novruz” bayramının Azərbaycan xalqının ən gözəl bayramlarından biri olduğunu söylədi, bu münasibətlə hər kəsi universitet rəhbərliyi adından təbrik etdi. O, bu tip tədbirin təşkil olunmasında Tələbə Həmkarlar Təşkilatının (THT) və Tələbə Gənclər Təşkilatının (TGT) rolunu xüsusi vurğuladı, tələbələrə onların sıralarına qoşulmağı tövsiyə etdi. Tədbirin həyata keçirilməsində əməyi keçən hər kəsə təşəkkür edən  professor Ələddin Əliyev onlara işlərində və şəxsi həyatlarında uğurlar arzuladı.

 

Bayram konsertində tanınmış müğənni Qurd, universitetin "Dalğa” rəqs qrupu çıxış etdi, eyni zamanda tələbələr tərəfindən hazırlanmış bayramın adətlərini,  atributlarını əks etdirən səhnəciklər nümayiş olundu.

 

Bədii hissə başa çatdıqdan sonra universitetin həyətində tələbələrdə bayram əhval-ruhiyyəsi yaratmaq məqsədi ilə "Novruz” bayramının əsas simvolu olan Tonqal yandırıldı, tədbiri tonqal ətrafında davam etdi.