Xəbər verdiyimiz kimi, bu günlərdə Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyevin Azərbaycanda fəaliyyət göstərən siyasi partiyaların rəhbərləri ilə görüşü keçirilib.
Bəs bu görüşlərin Azərbaycan üçün hansı əhəmiyyəti var?
Axeber.az məsələ ilə bağlı politoloq Yusif Bağırzadənin fikirlərini öyrənib.
Sayta danışan politoloq deyib ki, bu görüşlər Azərbaycan cəmiyyətinə pozitiv bir mesaj verəcək:
"Bildiyiniz kimi, ötən ilin sonlarında Prezident Administrasiyasında struktur dəyişikliyi oldu və ictimai-siyasi şöbə ləğv edildi. Əvəzində Siyasi partiyalar və qanunvericilik hakimiyyəti ilə əlaqələr şöbəsi yaradıldı. Bu şöbənin adından da göründüyü kimi burada məqsəd siyasi partiyalarla əlaqələrin qurulması və Azərbaycanın inkişafı naminə birgə işin ortaya qoyulmasıdır. Ümid edirəm ki, Ədalət Vəliyevin təşəbbüsü ilə keçirilən görüşlərin nəticəsində siyasi partiyaların fəaliyyətində əmələ gələn bəzi problemlər öz həllini tapacaq. Ona görə də keçirilən görüşləri müsbət qiymətləndirirəm".
www.anews.az
Bizi sosial şəbəkələrdə izləyin !
