Azərbaycanda yol nəqliyyat hadisələrinin sayı 14,4% azalıb
16.11.2024 18:35
2024-cü ilin ilk 10 ayında ötən ilin eyni dövrü ilə müqayisədə Azərbaycanda yol nəqliyyat hadisələrinin sayı 14,4% azalaraq 1031 təşkil edib. Bu barədə Azərbaycan Dövlət Statistika Komitəsi xəbər verib.
Bu hadisələr nəticəsində zərər çəkən şəxslərin sayı 13,7% azalaraq 1434 nəfər olub. Onlardan 520-si həlak olub, 914-ü isə yaralanıb.
Hadisələrin 41% gündüz, 40,6% gecə, 18,4% isə toran vaxtı baş verib, 29,1 faizi həftənin şənbə və bazar günlərinə təsadüf edib.
Yol-nəqliyyat hadisələrinin 86,5 faizi yaşayış məntəqələrində baş verib.
Bütün yol-nəqliyyat hadisələrinin 38,8% bir neçə nəqliyyat vasitəsinin, 38,6% nəqliyyat vasitələrinin və piyadaların, 22,6% isə bir nəqliyyat vasitəsinin iştirakı ilə baş verib. Yol-nəqliyyat hadisələri nəticəsində həlak olanların 75,8%, yaralananların isə 71,6% kişilərdir.
Nəqliyyat vasitələrinin sərxoş vəziyyətdə idarə olunması səbəbindən ölümlə və ya bədən xəsarəti alınması ilə nəticələnən 17 hadisə baş verib. Nəticədə 8 nəfər həlak olub, 12 nəfər yaralanıb.
Hadisələrin 14-ü minik avtomobillərinin sürücüləri tərəfindən törədilib.
N.Təbrizli
www.anews.az
Son xəbərlər 
Daha çox
Foto 
Video 
