Avropa Liqasının təsnifat mərhələsisinin "Qəbələ” və "Dinamo” (Tbilisi) arasında keçirilən cavab qarşılaşmasında azərbaycanlı azərkeşlər tribunalarda Azərbaycanın xəritəsini və bir neçə plakat açıblar.
Oxu.Az xəbər verir ki, bu plakatların birində - "Borçalı - qədim Azərbaycan torpağıdır”, digərində isə "Sarvan. Marneuli yox” yazılıb.
Xatırladaq ki, Gürcüstanda keçirilən ilk oyunda gürcülər "Biz 1921-ci ildə Zaqatala və Qaxı xatırlayırıq” yazısı olan plakat açmışdılar.
Həmçinin gürcü azərkeşlər "Qəbələ klubunun 4 azərkeşini döyüb, onlardan Azərbaycan bayraqlarını alaraq, onları ayaqlar altına atıb və tapdalayıblar.
www.ann.az
Bizi sosial şəbəkələrdə izləyin !
