SOCAR-ın "Azəriqaz” İstehsalat Birliyi (İB) Dünya Azərbaycanlılarının Həmrəyliyi Günü və Yeni il bayramları ilə əlaqədar dekabrın 31-dən başlayaraq gələn il yanvarın 4-dək gücləndirilmiş iş rejimində fəaliyyət göstərəcək.
Birlikdən AzVision.az-a bildirilib ki, bayram günlərində istehlakçıların təbii qazla fasiləsiz və keyfiyyətli təmin edilməsi, eləcə də "Qaz təsərrüfatında təhlükəsizlik Qaydaları”nın tələblərinə uyğun olaraq qaz təchizatı sisteminə nəzarəti gücləndirmək məqsədilə "Azəriqaz” tərəfindən zəruri tədbirlər həyata keçirilir.
Qeyd olunub ki, sutkada 24 saat fəaliyyət göstərən 185 və 104 nömrəli "Çağrı Mərkəzi”nin fəaliyyəti gücləndiriləcək, eləcə də birliyin müvafiq şöbələrində, Bakı Regional Qaz İstismarı Departamentində, Sumqayıt Qaz İstismar Sahəsində və Regional Qaz İstismar İdarələrində, həmçinin xidmət sahələrində məsul şəxslərdən ibarət sutkalıq növbətçilik təşkil olunacaq.
"Azəriqaz” İB istehlakçılardan bayram günlərində təbii qazdan istifadə zamanı xüsusilə diqqətli olmağı, texniki təhlükəsizlik qaydalarına ciddi əməl etmələrini xahiş edir.
www.anews.az
Bizi sosial şəbəkələrdə izləyin !
