Milli.Az ARB Şəki-yə istinadən xəbər verir ki, Pirbəhli, Qızmeydan, Dəmirçilər, Zarat, Ərçiman kəndləri istiqamətində gediş-gəliş çətinləşib.

Sürücülər yolda qalıblar. Günorta saatlarına doğru yollara səpilən qum-duz qarışığı rahat hərəkəti bərpa edib. Bakı-Şamaxı-Yevlax yolunun 25-65- ci kilometrliyindəki gərgin vəziyyət hələ də qalmaqdadır. Gün ərzində Şamaxı yol idarəsinin texnikası və canlı qüvvəsi Bakı-Şamaxı-Yevlax yolunun Şamaxıdan keçən hissəsinin təmizliyini həyata keçirib. Yola qum duz qarışığı səpilib. Əgər axşam saatlarında yolda təkrar buzlaşma yaşanarsa, sözügedən yolda təhlükə arta bilər.

Muğanlı-İsmayıllı avtomobil yolunda da hərəkət çətinləşib. Yolda təmizlik işi aparılsa da, təkrar buzlaşma hərəkətə mane olub. Baş Dövlət Yol Polisi İdarəsi buzlaşma səbəbindən bu yoldan istifadə edən sürücülərə ehtiyatlı olmaları barədə çağırış edib.