2017-ci il noyabrın 20-dən 21-ə keçən gecə polis ədalətsizliyi ilə üzləşmiş Bakı sakini Rauf Sultanovun başına gələnlər belə qənaətə gəlməyə imkan verir. Belə ki, 90 RV 084 nömrə nişanı olan BMW markalı avtomobilin sürücüsü Rauf Sultanovun sözlərinə görə, o, Bakı Şəhər prokurorluğunun qarşısında işıqforda durarkən iki yol polisi əməkdaşı ona yaxınlaşaraq sənədlərini verməsini tələb edib. Daha sonra sürücü polislərin gözünə sərxoş göründüyündən onu yerindəcə alkogol testindən keçiriblər. Test müsbət çıxdığından polis əməkdaşları Sultanovdan maşını tərk edərək onlarla bərabər narkoloji dispanserə getməyini tələb ediblər. Sürücü onlara tabe olub. Amma narkoloji dispanserdə aparılan müayinə göstərib ki , polislərin avadanlığı sərxoşluq faktını səhv təyin edib, sürücünün qanında alkoqol aşkarlanmayıb.
Əslində bundan
sonra polis əməkdaşları sürücüdən üzr istəyib onu təzədən maşınına kimi müşayət
etməli və rahat buraxmalı idilər.
Amma problem elə bundan sonra yaranıb. Belə ki, bəlli olub ki, Rauf Sultanovun maşını səbəbsiz cərimə meydançasına yerləşdirilib. Vətəndaşın hansı qanuna əsasən avtomobilim barədə belə qərar verilib sualına isə polis əməkdaşları hər hansı cavab verə bilməyiblər.
Bu faktla bağlı surucu yol polisinin mətbuat katibi Vaqif Əsədova müraciət edib. Əsədov sürücüyə bildirib ki, sadəcə yanlışlıq baş verib. Daha sürücünün şərəf və ləyaqətinə dəyən zərbə, günün yarısını maşınsız qalması, polislərə verilən avadanlığın nasazlığı üzündən dispanserdə qan verməyə məcbur edilməsinin cəzasını kimin çəkəcəyini isə yol polisi idarəsinin sözçüsü sanki bir rutin hadisə baş vermiş kimi cavablandırmaq istəməyib.
Sürücünün faktla
bağlı redaksiyamıza təqdim etdiyi videoları
diqqətinizə çatdırırıq və düşünürük
ki , yol polisi rəhbərliyi faktla bağlı ciddi araşdırma aparıb günahı olanların layiqli cəzasını verəcək:
www.anews.az
Bizi sosial şəbəkələrdə izləyin !
