Payız fəslidir, amma hələ də rayonlara səfər edənlər, təbiət qoynunda olmağın zövqünü yaşamaq istəyənlər az deyillər. Bu zaman hər kəsin yol getməsi lazımdır ki, istədiyi və arzuladığı məkana yetişsin. Yol getmək - bəlkə də səfərin ən gözəl, ən maraqlı hissəsidir. Avtomobilin pəncərəsindən ətrafı izləmək, təbiətin tədricən dəyişdiyini müşahidə etmək, arxada qalan kəndlər, qəsəbələri görmək... - bütün bunları müşahidə eləmək, o yerlərdəki insanların yaşam tərzini, sosial həyatını görmək də xüsusən maraq doğurur.

 

Hərdən yolda dayanıb fasilə etmək, çay içmək, yaxud sadəcə hava almaq da faydalı olur. Adətən, rayonlara uzanan magistral yolların kənarlarında konkret dayanacaqlar var ki, hamı orada avtomobilini saxlayıb qısa müddətə dincəlirlər. Elə bu anlarda rayonlara sadəcə paytaxt sakinlərinin deyil, xaricdən ölkəmizə qonaq gələn əcnəbilərin də üz tutduğunu görürsən.

 

Yol - onun bir mənzil başı var, yol həm də geri qayıtmaq üçündür ki, biz azmayaq, evimizə dönə bilək...

 

ANN.Az-ın fotoreportyorunun Bakı-Quba səfəri zamanı yolda kameranın yaddaşına daxil etdiyi fotoları oxuculara təqdim edirik.

 

Fotoların müəllifi Fərqanə Novruzovadır