İşdən çıxarılan Abel Məhərrəmovun son çıxışı - FOTO

Xəbər verdiyimiz kimi, Azərbaycan Prezidenti İlham Əliyev Abel Məhərrəmovu Bakı Dövlət Universitetinin rektoru vəzifəsindən azad edib.

Anews.az Sonxeber.az-a istinadən bildirir ki, rektor bir gün öncə Bakı Dövlət Universitetinin Elmi Şurasının növbəti iclasında çıxış edib.

Bakı Dövlət Universitetində professor-müəllim heyətinin iştirakı ilə Elmi Şuranın genişləndirilmiş iclası keçirilib. Rektor, akademik Abel Məhərrəmov Prezident İlham Əliyevin rəhbərliyi ilə aparılan uğurlu islahatlardan, o cümlədən BDU-nun 100 illik yubileyi ərəfəsində həyata keçirilən layihələrdən danışıb, iclasın gündəliyində olan məsələləri diqqətə çatdırıb.

Tədrisin təşkili və təlim texnologiyaları üzrə prorektor, professor İradə Əliyeva 2018/2019-cu tədris ilində yay məktəbi, universitetə qəbulun nəticələri və tədrisin təşkili ilə bağlı ətraflı məruzə edib.