Keçmiş deputatdan Ramil Usubova müraciət: Məni öldürməklə hədələyirlər

"AAAF PARK yaşayış kompleksində vəziyyət çox gərgindir. Dünən yenə sakinlər yola çıxaraq onu bağlamağa cəhd edib. Səbəb şəhərciyə hələ də qaz ve istiliyin verilməməsidir".

Bunu Milli Məclisin keçmiş deputatı, jurnalist Etibar Hüseynov öz "Facebook" səhifəsində yazıb.

Onun sözlərinə görə, komleksin rəhbərliyi isə müxtəlif bəhanələrlə sakinlərdən gizlənir: "10 gündən sonra dekabr ayıdır. Amma insanlar qaz və istiliklə hələ də təmin olunmayıblar. Səbəb isə A AAF- a yəni 30 mindən çox insanın taleyinə bu işdə heç bir təcrübəsi, savadı olmayan, dəfələrlə dələduzluq əməllerinə görə məsuliyyətə cəlb olunmuş Tofiq Heyderov kimi uğursuz bir idmançının sahib çıxmasıdır.

Adam mühafizə adı altında qoçu dəstəsi saxlayır, etiraz edən sakinləri hədəleyir. Düneən jurnalist Tamilla Qulaminin statusuna yazdığım kommentə göre mənə də telefon açıb, öldüreceyi ile hədələdi. Bu barede daxili işlər naziri Ramil Usubova məlumat vermişəm. Yəqin ki, bu adam haqqında ciddi ölçü götürüləcək. Amma əziz jurnalist dostlar, lütfən AAAF PARK yaşayış kompleksine diqqet yetirin. Men Xırdalanda yaşayıram, o kompleksdə çoxlu sayda dost, tanış, yaxınım yaşayır, vəziyyət həqiqətən ağırdır. Oradakı vəziyyət ve Tofiq Heydərov haqqında geniş yazı hazırlayıram. Yəqin ki, sabah sosial şəbəkədə paylaşacam"./sonxeber.az