Xərçəng xəstələrinə inanılmaz faydası ortaya çıxdı: Onu hər gün qəbul edirik

Aspirin, həmçinin eykozapentaen turşusu (EPA) bağırsaq xərçənginin yüksək riski olan pasiyentlərdə poliplərin (şişvarı törəmələr) miqdarını azaldır.

"MedicalXpress”-in press-relizində verilən məlumata görə, belə nəticəyə Böyük Britaniyanın Linds Universitetinin alimləri gəliblər.

Tədqiqatda İngiltərənin 53 xəstəxanasından bağırsaq xərçənginin inkişafının yüksək riski aşkar edilən 700-dən çox pasiyent iştirak edib. Bütün könüllülər müalicənin növündən asılı olaraq dörd qrupa ayrılıblar. Tədqiqatın iştirakçıları hər gün il ərzində aspirinin 300 milliqramı və ya ERA turşusunun iki qramını qəbul edirdilər.

Tədqiqatın sonunda, aspirin qəbul edən pasiyentlərdə, poliplərin ümumi sayı 22 faiz, EPA turşusu qəbul edən pasiyentlərdə isə 9 faizə qədər azalıb.

Qeyd edək ki, bağırsaq xərçəngi qorxulu şişlərin ən öldürücü tiplərindən biridir. Bu xəstəlikdən 2014-cü ildə İngiltərə və Uelsdə 16 min insan ölüb./publika.az