Hüquq müdafiəçiləri:" Mirvari Qəhrəmanlıya qarşı kampaniyaya son qoyulsun"

Azərbaycanın aparıcı hüquqmüdafiəçiləri Nüftçilərin hüquqlarının müdafiə komitəsinin rəhbəri Mirvari Qəhrəmanlıya qarşı  yerli mətbuatda yazılan təhqir xarakterli yazılara qarşı etiraz bəyanatı qəbul edib. Novella Cəfərova,  Arzu Abdullayeva,  Səidə Qocamanlı,  Səadət Bənənyarlı, Şəhla İsmayıl, Əvəz Zeynallı,  Elçın Məmməd, Hilal Məmmədov  və Əvəz Həsənov tərəfindən imzalanmış bəyanatda deyilir: 
 

 

"Bir neçə gündür ki, Neftçilərin Hüquqlarının Müdafiəsi Təşkilatı İctimai Birliyinin sədri, hüquqmüdafiəçisi Mirvari Qəhrəmanlıya qarşı növbəti təzyiqlər vüsət alıb. Hüquqmüdafiəçisini aşağılayan, təhqir və böhtan xarakterli yazılar davamlı şəkildə mətbuatda dərc edilir.

Biz Mirvari xanıma qarşı yönəlmiş bu yazıları ona qarşə təzyiq hesab edirik. Mirvari Qəhrəmanlı tanınmış QHT rəhbəri kimi həmişə ölkədə insan hüquqlarının, o cümlədən neftçilərin hüquqlarının müdafiəçisi kimi çıxış etmişdir. O, SOCAR-ın fəaliyyətində yol verilən nöqsanları, korrupsiya faktlarını, ekologiyaya vurulan zərbələri daim gündəmə gətirib ictimailəşdirərək, monitorinq və araşdırma xarakterli hesabatlar hazırlayaraq mədən sənayesində şəffaflığın təmin edilməsi və ictimai nəzarətin gücləndirilməsi istiqamətində geniş tədbirlər həyata keçirmişdir.