Bakının mərkəzində tələbəni öldürən gəncdən yeni xəbər

Azərbaycan Texniki Universitetinin ikinici kurs tələbəsini qətlə yetirməkdə təqsirli bilinən 18 yaşlı Rauf Murquzov barəsində həbs qətimkan tədbiri seçilib.

Anews.az-ın open.az-a istinadən məlumatına görə, bununla bağlı Nərimanov rayon Məhkəməsində rayon Prokurorluğunun təqdimatına baxılıb.

Məhkəmə Rauf Murquzov barəsində 4 ay müddətinə həbs qətimkan tədbiri seçib.

Qeyd edək ki, hadisə bir neçə gün əvvəl paytaxtın Nərimanov rayonu Atatürk prospekti 2A ünvanında qeydə alınıb.

İdman Akademiyasının tələbəsi, 18 yaşlı Rauf İlqar oğlu Murquzov aralarında yaranmış mübahisə zəminində Azərbaycan Texniki Universitetinin tələbəsi, 18 yaşlı Elman Elyar oğlu Xəlilovu bıçaqlayaraq öldürüb.

Həyata keçirilən tədbirlər nəticəsində Rauf Murquzov saxlanılıb.

Faktla bağlı Nərimanov rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.