Oğurluq və dələduzluq edən şəxs tutuldu

Sumqayıtda oğurluq və dələduzluq edən şəxs polis tərəfindən saxlanılıb.

"Ölkə.Az” xəbər verir ki,Sumqayıt ŞPİ 1-ci PB əməkdaşlarının keçirdikləri əməliyyat-axtarış tədbirləri nəticəsində cari il aprelin 15-dən dekabrın 5-dək şəhər ərazisindəki 1 mağazadan, 1 avtomobildən, 8 evdən pul və məişət əşyaları oğurlamaqda şübhəli bilinən əvvəllər məhkum olunmuş şəhər sakini Xalid Allahverdiyev saxlanılıb.

Saxlanılan şəxsin ətrafında aparılan araşdırmlar nəticəsində onun daha 3 nəfəri aldadaraq pularını dələduzluq yolu ilə ələ keçirdiyi məlum olub. Hər iki faktla bağlı cinayət işi başlanılıb. Araşdırma aparılır.