İlin ilk günəş tutulması nə vaxt baş verəcək?

İlin ilk Günəş tutulması hadisəsi yanvarın 6-da baş verəcək.

Azərbaycan Milli Elmlər Akademiyasından Anews.az-a verilən məlumata görə, 2019-cu ilin ilk Günəş tutulması qismən olacaq və yanvarın 6-na təsadüf edəcək.

Bu təbiət hadisəsi (qismən tutulma) Bakı vaxtı ilə saat 03:34-də başlayacaq və 07:49-da başa çatacaq. 

Günəş tutulması Şimal-Şərqi Asiya, Sakit okeanının şimal hissəsi - Vladivostok, İrkutsk, Maqadan, Ulan-Bator, Pekin və digər ərazilərdən aydın görünəcək.