DSX yeni kamikadze PUA-nı təqdim etdi
10.01.2019 14:00
Azərbaycanın Dövlət Sərhəd Xidməti İsrailin "Elbit Systems” şirkətindən "Sky Striker” kamikadze pilotsuz uçuş aparatları (PUA) alıb.
"AzeriDefence”nin məlumatına görə, bu gün Prezident İlham Əliyevin DSX-nin hərbi bazasına səfəri zamanı Xidmətin istifadəsinə yeni daxil olan silah və texnikalar təqdim olunub. Təqdimatı keçirilən yeni silah sistemləri arasında "Sky Striker” ilk dəfə nümayiş etdirilib.
2016-cı ildə yaradılmış "Sky Striker” kamikadze PUA 5 və ya 10 kq döyüş başlığı daşıya bilir. Elektrik mühərrikə sahib "Sky Striker” səssiz uçuşu ilə xarici analoqlarından fərqlənir. PUA-nın uçuş sürəti 185 km/saat, havada qalma müddəti 2 saatdır. Kamikadze PUA hədəfə 300 knt sürətlə şığıyaraq partlayışla məhv edir.
Azərbaycan DSX "Sky Striker”in ilk xarici operatorudur.
Qeyd edək ki, hazırda DSX-nin silahlanmasında İsrailin İAİ şirkətinin istehsalı olan "Harop” kamikadze-PUA-lara sahibdir. "Harop” kamikadze-PUA 2016-cı ilin aprel ayında baş vermiş 5 günlük müharibədə istifadə olunub.
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
Cəmiyyət 17:19
Azərbaycanda 7 yaş və daha yuxarı şagirdlər üçün “mygov” platformasında ayrıca fərdi hesabların yaradılması nəzərdə tutulur
Son xəbərlər 
Daha çox 
Foto
Video
