Lənkəranda mikroavtobusla minik maşını toqquşub - Ölən var

Lənkəranda ağır yol nəqliyyat hadisəsi baş verib.
Oxu.Az-ın bölgə müxbirinin verdiyi məlumata görə, qəza Lənkəran rayonunun Liman şəhərində, Ələt-Astara magistralının 185-ci kilometrliyində qeydə alınıb. Cəlilabad rayon sakini İlkin Rzayevin idarə etdiyi "Renault” markalı maşınla, Liman şəhər sakini  35 yaşlı İxtiyar Şüşəxanova məxsus "Mersedes” markalı mikroavtobus toqquşub.
Mikroavtobusun dəmir hasara çırpılması nəticəsində 36 yaşlı sərnişin Vüqar Rzayev aldığı xəsarətlərdən hadisə yerində keçinib. Mikroavtobusun sürücüsü İ.Şüşəxanov isə Lənkəran Rayon Mərkəzi Xəstəxanasına çatdırılıb. Onun vəziyyəti ağır qiymətləndirilir.

Faktla bağlı araşdırma aparılır.

www.anews.az