Ermənilərin vurduğu “Bakcell” əməkdaşı haqda AÇIQLAMA
30.12.2021 09:41
Dekabrın 29-u saat 16 radələrində, Ağdam rayonunun işğaldan azad edilmiş "Yeddi xırman" adlanan ərazisində 1993-cü il təvəllüdlü, Bakı şəhər sakini Rəhimli Anar Məhəmməd oğlunun odlusilahdan açılmış atəş nəticəsində xəsarət alması faktı ilə bağlı rayon prokurorluğuna məlumat daxil olub.
Baş Prokurorluğun Mətbuat xidmətindən Anews.az- verilən məlumata görə, ilkin araşdırmalarla "Bakcell MMC"-nin əməkdaşı Anar Rəhimlinin qeyd edilən ərazidə xidməti vəzifələrini icra edərkən erməni silahlı qüvvəlləri tərəfindən atəşə tutulması nəticəsində xəsarət alması müəyyən edilib.
Hazırda iş üzrə istintaq davam edir.
***
00:28
Qanunsuz erməni silahlı qruplaşmaları Ağdamda "Bakcell MMC" əməkdaşına atəş açıb.
"Unikal" xəbər verir ki, bu barədə sosial şəbəkələrdə məlumat yayılıb. Bildirilir ki, hadisə Ağdamın işğaldan azad edilmiş Yeddi xırman adlanan ərazisində qeydə alınıb.
Belə ki, ərazidə peşə fəaliyyəti ilə məşğul olan 1993-cü il təvəllüdlü, Bakı şəhər sakini Rəhimli Anar Məhəmməd oğlu erməni silahlıları tərəfindən atəşə tutulub.
Onun həyatı təhlükəsinin olmadığı bildirilib
www.anews.az
Foto 
Video 
