Ukraynada həlak olan azərbaycanlılar dəfn edildi - Foto

Onların nəşi dünən Gəncə şəhərinə çatdırılıb. Ailənin yaşadığı Göygöl rayonunda vida mərasimi keçirildikdən sonra torpağa tapşırılıblar. 

Qohumlar Kəlbəcər sakinlərinin məskunlaşdığı Murovdağ qəsəbəsinin qəbiristanlığında dəfn ediliblər.

27-i fevral tarixində qohumluq əlaqələri olan 40 nəfərdən artıq 8 avtomobildən ibarət həmyerlilərimiz Odessa vilayətindən Moldova istiqamətində şəxsi təşəbbüsləri ilə təxliyəyə çalışan zaman Kuçurqan sərhəd keçid məntəqəsində naməlum şəxslərin silahlı hücumuna məruz qalıb. İsmayılov Rəhim Əli oğlu, onun qardaşı Nemət İsmayılov və Azər İsmayılov hadisə yerində, 25 yaşlı Camal Salmanov isə xəstəxanada dünyasını dəyişib.

 

(qafqazinfo)