İntihar mediada davamlı müzakirə edilməməlidir - Komitə sədri

İntihar halları gündəlik mediada davamlı müzakirə olunacaq məsələ deyil, bunu Ailə, Qadın və Uşaq Problemləri üzrə Dövlət Komitəsinin sədri Bahar Muradova jurnalistlərə açıqlamasında bildirib.

Komitə sədri qeyd edib ki, bu kimi məsələlər adətən peşəkarlıq tələb edir:


"Bu cür hadisələr bizim hər birimizi üzərək narahat edir. Ailələrimizdə olan durum, uşaq və yeniyətmələrin vəziyyəti və rastlaşdıqları problemlər bizim diqqətimiz altındadır. Bizim də borcumuz ondan ibarətdir ki, bütün aidiyyəti dövlət qurumları, cəmiyyət və media, o cümlədən, ailələr bu məsələni diqqətdə saxlamalıdır".

Bahar Muradova qeyd edib ki, yeniyetməlik dövründə çox ehtiyatlı davranmaq lazımdır:

"Ona görə də bu məsələlərə həssaslıqla yanaşmaq lazımdır. Müvafiq qurumlar hər zaman əlaqəli şəkildə işləyir. Nəzərə almaq lazımdır ki, bu, insanın fərdi-psixoloji durumuna bağlı olan məsələdir. Bəzi hallarda düşüncələr bir yana, nəticələr isə başqa ola bilir".

www.anews.az