Mühacir ailələri aksiya edib
28.06.2022 17:27
İyunun 28-də Azərbaycanda həbs edilən keçmiş mühacirlərin ailələri Baş Prokurorluğun qarşısında etiraz aksiyası keçirib.
Etirazçılar həbs edilən mühacirlər - Samir Aşurov, Pünhan Kərimlinin yaxınlarıdır. Onlar Baş Prokuror Kamran Əliyev ilə görüşmək və onların azadlığa buraxılmasını tələb edib.
Aksiyada insident yaşanmayıb. İştirakçılar polislər tərəfindən qəbul edilsə də, onlara prokuror Kamran Əliyevin binada olmadığı bildirib.
Sonuncu dəfə ailələr iyunun 17-də eyni Almaniya Səfirliyinin qarşısında baş verənlərə etirazı etmişdi.
Dövlət Miqrasiya Xidməti 2021-cidə 420 şəxsin ölkəyə qaytarıldığı barədə məlumat açıqlayıb. Almaniya səfirliyindən bildirilib ki, ölkədən Azərbaycana 2020-ci ildə 62, 2019-cu ildə isə 232 nəfər deportasiya olunub.
Bir müddət əvvəl siyasi mühacirlərin Almaniyadan deportasiya olunması və daha sonra onların Azərbaycanda həbs edilməsi ilə bağlı "BBC News Azərbaycanca” Almaniyanın Azərbaycandakı səfirliyinə müraciət edib. Səfirlikdən deyilib ki, ölkəyə gələndən sonra həbs olunan insanlar barədə məlumatlıdırlar və onlara məlum olan bütün hallarla bağlı əlaqə qurulub.
Azərbaycanla Avropa İttifaqı arasında imzalanan readmissya haqqında sazişə görə, tərəflər insan hüquq və azadlıqları barədə müvafiq beynəlxalq sənədlərdən irəli gələn öhdəliklərə əməl etməlidirlər.
2014-cü ildə "Azərbaycan Respublikası ilə Avropa İttifaqı arasında icazəsiz yaşayan şəxslərin readmissiyası (geri qaytarılma) haqqında" saziş imzalanıb.
Ləman Qasımova
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
