Məktəblərdə şagird-müəllim saylarının tarazlığı pozulub - Nazir

 

"Elə məktəblər var ki, 33 şagirdə 14 müəllim düşür. Həmin müəllimləri indi işdən çıxarmaq olmaz. Keçmişdə buna nəzarət etmək olmurdu, amma indi buna nəzarət edə bilirik və hər il addım-addım bu problemləri həll etməyə çalışırıq. Mən bilmirəm bunu zamanında hansı məmur edib nə üçün edib amma bu gün bu bizim acı reallığımızdır ki, müəllimlər hansısa yollarla işə qəbul olunub", - Əmrullayev bildirib.

Nazir əlavə edib ki, hələ də məktəblərdə 6 saata qədər dərs deyən ibtidai sinif müəllimləri var.

"Məsələn, Astarada 356 ibtidai sinif varsa orada 676 ibtidai sinif müəllim var. Bu ardıcıllığı başqa rayonlarda da müşahidə etmək olar. Müəllimlərin işə qəbulu sisteminin elektronlaşdırılması ilə zamanla bu kimi problemlərin qarşısını ala biləcəyik. MİQ-ə təqdim olunan vakant yerlərlə bağlı miflər var", - o deyib.