Müsahibə mərhələsindən keçə bilməyən müəllimlərin imtahan nəticələri ləğv olunacaq

"Biz ehtimal edirik ki, test imtahanından keçən keçən müəllimlər müsahibə mərhələsini keçə biləcək.Əgər keçə bilməsələr onlar növbəti bir il ərzində təlimlərə qoşula biləcək.Narazı olan müəllimlər isə apellasiya şikayət edə bilər",- Bağırov bildirib

 

Avqustun 30-dan etibarən ölkədə müəllimlərin sertifikasiyası  üzrə test imtahanlarına başlanılıb. Test imtahanları 30 avqust - 1 sentyabr tarixlərində Bakı, Sumqayıt, Gəncə və Xaçmaz daxil olmaqla, ümumilikdə 8 imtahan mərkəzində təşkil olunub.
 
Test imtahanı zamanı namizədlərə 60 sual təqdim edilib. Hər bir düz cavab bir bal kimi qiymətləndirilib. Cavablandırılmayan suallar sıfır bal kimi qeyd olunub.
 
Ümumilikdə imtahanda 30 və daha artıq bal toplayanlar müsahibə mərhələsinə buraxılacaq. Həmin mərhələdə 20 bal toplayan namizədlər sertifikat alacaqlar.  İmtahandan narazı qalan müəllimlər 30 gün ərzində apellyasiya şikayəti edə bilər. 

 

Gülnar Nazimqızı