Həbs olunduğu gündən Elçinlə görüşə bilməmişik - VƏKİL

Rüşvət almada iştirakçılıq ittihamı ilə həbs edilən vəkil Elçin Sadıqovun azadlığa buraxılması üçün apellyasiya şikayəti verilib. Bu barədə onun həmkarı, vəkil Bəxtiyar Hacıyev bildirib.

 

O qeyd edib ki, Bakı Apellyasiya Məhkəməsinə müvafiq şikayət göndərilib. Şikayətə 15 sentyabr saat 15:30-da hakim Zəki Babayevin sədrliyi ilə baxılacaq.

Bundan başqa Bəxtiyar Hacıyev 3 gündür həbsdə olmasına baxmayaraq, hələ də Elçin Sadıqovla görüşə bilmədiklərini deyib.

 

"Görüş üçün Baş Prokurorluğun icazəsi olmalı və buna şərait yaradılmalıdır. Lakin həbs olunduğu gündən Elçinlə görüşə bilməmişik. Nə mənə, nə də digər vəkil həmkarıma şərait yaradılmır”, - vəkil bildirib.

 

Baş Prokurorluğun Mətbuat xidmətindən "Qafqazinfo"nun sorğusuna cavab olaraq bildirilib ki, təqsirləndirilən şəxs Sadıqov Elçin Əli oğlu öz istəyi ilə dəvət edilmiş vəkillər-Şəhla Hümbətova, Bəxtiyar Hacıyev və Cavad Cavadovun cinayət-prosessual qanunvericiliyin tələblərinə əsasən hüquqi xidmətləri ilə təmin edilib.

Sentyabrın 10-da Baş Prokurorluq tərəfindən saxlanılan Elçin Sadıqov barəsində Cinayət Məcəlləsinin 32.5, 311.3.3-cü (külli miqdarda rüşvət almaqda köməkçilik) maddəsi ilə cinayət işi başlanıb. Binəqədi Rayon Məhkəmənin qərarı ilə 4 aylıq həbs qətimkan tədbiri seçilib.

Baş Prokurorluğun Mətbuat xidmətindən "Qafqazinfo"nun sorğusuna cavab olaraq bildirilib ki, təqsirləndirilən şəxs Sadıqov Elçin Əli oğlu öz istəyi ilə dəvət edilmiş vəkillər-Şəhla Hümbətova, Bəxtiyar Hacıyev və Cavad Cavadovun cinayət-prosessual qanunvericiliyin tələblərinə əsasən hüquqi xidmətləri ilə təmin edilib.

 

Aytac