Xəzərdə balıq azalmasına səbəb məmurlardır - Ekoloqdan AÇIQLAMA

 
"Ölkəmizdə balıq ehtiyatlarının artırılmasına töhfə vermək məqsədilə hər il təbii su hövzələrinə ETSN-in balıqartırma müəssisələrində yetişdirilən balıq körpələrinin buraxılışı həyata keçirilir”,- Mehman Axundov söyləyib.
 
Ekoloji və Təbii Sərvətlər Nazirliyinin məlumatına görə Xəzər dənizində balıq və digər su bioloji resurslarının mövcud  vəziyyəti, gələcək dinamikası, növbəti il üçün balıq ovunun kvota proqnozlarını müəyyən etmək məqsədilə hər il kompleks ekoloji monitorinqlər keçirilir.
 
Beynəlxalq Mətbuat Mərkəzində Milli Ekoloji Proqnozlaşdırma Mərkəzinin rəhbəri Telman Zeynalov Xəzərdə balıqların azalmasını həmin heyvanların tutulması ilə əlaqələndirir. O, balıq tutanların isə əsasən dövlət məmurları olduğu qənaətindədir.
 
"Dövlət məmurları balıqları tutur. Guya heç kəsin də bundan xəbəri yoxdur?  Qara camaat ora girə bilməz, o saniyə başından vurarlar”,-  ekoloq alim məmur özbaşınalığını sərt tənqid edib.
 
O, yalnız dövlət başçısının bunun qarşısını ala biləcəyini ehtimal edir. 
 
" Prezident onları hədələməklə kifayətlənməməlidir. "Belə edərəm, elə edərəm” desə də məmurlar öz bildiklərini edirlər. Onları həbs etmək lazımdır. Digər ekoloqlar da nağıl  danışmasınlar”.
 
"Kilkə, siyənək kimi balıqlar dənizdə yaşayıb kürü qoyurlar, vəziyyətləri də qənaətbəxşdir. Amma Kür çayınıən bolluğundan, sahildə bitki örtüyündən asılı olan balıqlar da isə azalma görülür. Əgər Kür çayı, bitki örtüyü yoxdursa, həmin balıqlar kürülərini hara töksün?”
 
Süleyman Süleymanov həmin balıqların qapalı sistemdə artırmaq mümkün olmadığından sayının azalmasını normal hesab edib. Onun sözlərinə görə gələcəkdə dəniz səviyyəsinin qalxması, bitki örtüyünün artımı müsbət təsir göstərə bilər.

www.anews.az